“El sexo en tiempos del románico” liburuan oinarrituta, Isabel Mellén-ek hitz egingo digu sexuaz, askatasunaz eta errepresioaz. Koito, erditze, alu eta zakil irudiez lagunduta, erromanikoaren mendeetan sexuaren bidez izan zen botere politikoaren lehiaz ikasiko dugu.
Irantzu Varela komunikatzailea, feminista, bollera eta aktibista lodia izango dugu gurean. “Lo que quede” (Continta MeTienes, 2024) liburua aurkeztuko du eta Su Hernandez Apariciok egingo ditu gidari lanak.
Tailer honetan emakume filosofo talde bat ikusaraziko dugu, guk ere filosofatzen eta hausnarketa propioak sortzen ikasten dugun bitartean. Oraingo honetan militantzia bikoitzeko filosofoak izango ditugu ardatz: Flora Tristán (sozialismoa eta feminismoa), Concepcion Arenal (krausismoa eta feminismoa), Alejandra Kollontai (marxismoa eta feminismoa), Emma Goldman (anarkismoa eta feminismoa), Hanna Arendt, teoriko politikoa eta Marcia Tiburi (sozialismoa eta feminismoa).