Egin dezagun kartel feminista bat! Zeintzuk dira kartel baten elementu nagusiak? Zein bete behar duen funtzioa? Nola egin etxean gordeta izango zenukeen kartel bat? Zenbait eredu ikusiko ditugu tailer honetan eta norberak bere kartel bat diseinatuko du ekimen feminista baterako. Marrazketa maila alturik ez da behar tailer labur hau egiteko... animatu!
Ikastaro honetan emakumeok geure buruarekiko konfiantzaren inguruan hausnartu, partekatu eta ikasteko aukera edukiko dugu. Konfiantzak autoestimuan eragiten du. Eta autoestimuak komunikatzeko eran. Gutako bakoitzaren komunikazio bizipenez, sentimenduez eta pentsamenduez hitz egiteko erak aztertuko ditugu, geure buruarekiko begirada aldatzeko aukera zabaltzeko. Neure buruarengan konfiantzarik ba al dut? Eta besteengan? Ze erlazio daukat nik konfiantzarekin? Nola komunikatzen naiz neure buruarekin? Eta besteekin?