Osasuna / Gorputza

Herriko emakume nekazari baten proiektua ezagutzeko eta partekatzeko bisita. Ondoren, mokadu jana herrian ekoitzitako produktuekin.

Ba al dakigu gure herriguneetatik kanpo dauden lur horietan zer gertatzen den? Nortzuk bizi dira bertan? Nola bizi dira? Zer lanbide dituzte?
Landa-eremua asko aldatu da azken hamarkadetan, eta eraldaketa horren ezaugarririk argiena nekazaritza-jarduerak izan duen zentraltasun-galera izan da, dimentsio ekonomikoan eta sinbolikoan.

Hilerokoa hobeto ezagutzeko jolasaldia izango da. Izan ere, aukera desberdinak ditugu hilekoarekin bizitzeko. Batzuetan, ezkutatu egiten dugu, edo agian gorrotatu; beste batzuetan, besarkatu, ezagutu eta bizi. Horretarako, beharrezkoa da elkarrekin hausnartzea eta jolastea. Hilerokoarekin bizitzeko askotariko aukerak ditugu, zein da zurea?

Bi saio hauetan klimaterioa eta menopausiaren arteko ezberdintasunak ikusiko ditugu. Zer gertatzen da gure gorputzetan? Zer aldaketa nabaritzen ditugu? Eta garrantzitsuena, zerbait egin dezakegu aldaketa horiekin guztiekin? Deskubritu dezagun elkarrekin...

Osasun mentala dagokion testuinguruan aztertzea da ikastaro honen helburu nagusia. Horretarako, eta ikerketa feministek ematen dizkiguten tresnak erabiliz, osasun mentalaren bilakaera historiko bat proposatuko dugu. Ikastaroan zehar, agerian geratuko da unean uneko genero, gizarte eta kultura ereduek zeharo baldintzatzen dutela osasun mentalaren definizioa eta esperientzia.